ឡូសអេនជឺលេស៖ សាលាភាពយន្តហូលីវូដកាលពីថ្ងៃសុក្រ បានហាមឃាត់ Will Smith ពីការចូលរួមក្នុងកម្មវិធី Oscars រយៈពេល ១០ឆ្នាំ បន្ទាប់ពីម្ចាស់ជ័យលាភីតារាសម្តែងល្អបំផុតរូបនេះបានទះកំផ្លៀងពិធីករ Chris Rock នៅលើឆាកក្នុងពិធីប្រគល់ពានរង្វាន់ Academy កាលពី ១២ថ្ងៃមុន។

យ៉ាង ណា ក៏ ដោយ គេមិនបានបញ្ជាក់ ថា គាត់ នឹង មិន មាន សិទ្ធិ ត្រូវ បាន គេ តែងតាំង សម្រាប់ Oscars ក្នុង អំឡុង ពេល ហាមឃាត់នោះទេ។

ក្រុមប្រឹក្សាភិបាលនៃ Academy of Motion Picture Arts and Sciences បានចាត់វិធានការនៅក្នុងកិច្ចប្រជុំមួយដែលបានធ្វើឡើងមួយសប្តាហ៍បន្ទាប់ពី Smith បានលាលែងពីក្រុមជាមុនជុំវិញការផ្ទុះកំហឹងរបស់គាត់នៅឯព្រឹត្តិការណ៍ផ្សាយផ្ទាល់តាមទូរទស្សន៍។

ប្រធានបណ្ឌិត្យសភា David Rubin និងនាយកប្រតិបត្តិ Dawn Hudson បានលើកឡើងនៅក្នុងសេចក្តីថ្លែងការណ៍មួយថា៖ «ពានរង្វាន់អូស្ការលើកទី៩៤ គឺមានន័យថាជាការអបអរសាទរនៃបុគ្គលជាច្រើននៅក្នុងសហគមន៍របស់យើងដែលបានធ្វើការងារមិនគួរឱ្យជឿកាលពីឆ្នាំមុន។ ទោះជាយ៉ាងណាក៏ដោយ ហេតុការណ៍ដែលត្រូវបានគ្របដណ្ដប់ដោយអាកប្បកិរិយាមិនអាចទទួលយកបាន និងបង្កគ្រោះថ្នាក់ដែលយើងបានឃើញអាកប្បកិរិយរបស់លោក ស្មីត នៅលើឆាក»។

នៅក្នុងសេចក្តីថ្លែងការណ៍មួយ Smith បានថ្លែងថា៖ «ខ្ញុំទទួលយក និងគោរពការសម្រេចចិត្តរបស់ Academy» ។

កាលពីថ្ងៃទី២៨ ខែមីនា មុនពេលតារាសម្តែង Will Smith ទទួលបានពានរង្វាន់ Oscar ជាតារាសម្តែងល្អបំផុត តារាកំប្លែង Chris Rock បាននិយាយលេងសើចចំពោះភរិយារបស់លោកគឺ លោកស្រី Jada ដែលធ្វើឱ្យប៉ះពាល់ដល់អារម្មណ៍របស់ Will Smith ហើយបានឡើងលើឆាកទះ Chris Rock មួយកំផ្លៀងបង្ករការភ្ញាក់ផ្អើលលើឆាកទទួលរង្វាន់។ ក្រោយពីធ្វើសកម្មភាពនេះមួយថ្ងៃលោកបានសុំទោសចំពោះ Chris Rock ផងដែរ។

Will Smith កើតថ្ងៃទី២៥ ខែកញ្ញា ឆ្នាំ១៩៦៨ បច្ចុប្បន្នអាយុ ៥៤ឆ្នាំ៕